alm3na
06-07-22, 18:45
يالله ياللي ذنوب الناس محصيها
كل المخاليق جاهلها وشايبها
علام الأحوال بينها وخافيها
اغض خطاياي حاضرها وغايبها
تقسى العنا من خطاها ما نبديها
يا كود ربي بنفحاته يجنبها
تجهل وتخطي وسو الموت قافيها
ومرسول معها ملائكةٍ ترقبها
ياسمك العرش زين لي تواليها
رحمتك يا غافر الزلات طالبها
طالبك نفسي من العذاب تجنبها
نهار كشف السراير عن حواجبها
دنيا الفنا شربكتنا في بلاويها
يوم تزين ويومٍ لنا تخربها
ويوم تبين عجايبها لباغيها
لكن من تطبعها تقلب بصاحبها
ولابد من ساعة نرحل ونخليها
وفيها العوض حفرةٍ تركز نصايبها
والخوف كله من الحفرة ومافيها
ياربي اني زبنتك من مصايبها
بعفوك ورحمتك عن النار تطفيها
اكتب لنا رحمة عندك نفوز بها
أخطيت وأهملت نفسي في مشاهيها
فوقي ذنوبٍ كثيرة واعترفت ابها
نفسي تبي الزين ولها العين تصاغيها
إن شافت الزين ماتذكر محاسبها
واليوم ما عاد ابي الدنيا وطاريها
ما عاد نفسي تباها ومتجنبها
أبي العوض جنة الفردوس وأرجيها
ويسعد حظه المكسوب يكسبها
يالله ياللي سفينة نوح مجريها
لين أنها أرست على الجودي براكبها
تروق بي من خطايا كنت مخطيها
يوم الهوى والغوى نفسي يلاعبها
أطلبك من جنة للعبد تعطيها
وأشفق لروحي من النار ولهايبها
سبحان من ثبت الأرض برواسيها
واستعمر الخلق كله في مناكبها
كل المخاليق مسلمها وطاغيها
واقتام بأرزاقها وأحصى مذاهبها
وأرسى بحور مشت معها سواعيها
تثبت ومن فوقها تمشي مراكبها
وليا حفظ رحمةٍ للأرض يسقيها
بين السماء والوطي نشا سحايبها
نبذل له الشكر وأذكاره نبديها
ونركع ونسجد رضاُ لرضاه ونطلبها
وصلاة ربي عدد ماهب ذاريها
على نبيٍ شروط الدين قام بها
شعر :/ الحميدي بن صنهات بن ناشي العازمي العتيبي
كل المخاليق جاهلها وشايبها
علام الأحوال بينها وخافيها
اغض خطاياي حاضرها وغايبها
تقسى العنا من خطاها ما نبديها
يا كود ربي بنفحاته يجنبها
تجهل وتخطي وسو الموت قافيها
ومرسول معها ملائكةٍ ترقبها
ياسمك العرش زين لي تواليها
رحمتك يا غافر الزلات طالبها
طالبك نفسي من العذاب تجنبها
نهار كشف السراير عن حواجبها
دنيا الفنا شربكتنا في بلاويها
يوم تزين ويومٍ لنا تخربها
ويوم تبين عجايبها لباغيها
لكن من تطبعها تقلب بصاحبها
ولابد من ساعة نرحل ونخليها
وفيها العوض حفرةٍ تركز نصايبها
والخوف كله من الحفرة ومافيها
ياربي اني زبنتك من مصايبها
بعفوك ورحمتك عن النار تطفيها
اكتب لنا رحمة عندك نفوز بها
أخطيت وأهملت نفسي في مشاهيها
فوقي ذنوبٍ كثيرة واعترفت ابها
نفسي تبي الزين ولها العين تصاغيها
إن شافت الزين ماتذكر محاسبها
واليوم ما عاد ابي الدنيا وطاريها
ما عاد نفسي تباها ومتجنبها
أبي العوض جنة الفردوس وأرجيها
ويسعد حظه المكسوب يكسبها
يالله ياللي سفينة نوح مجريها
لين أنها أرست على الجودي براكبها
تروق بي من خطايا كنت مخطيها
يوم الهوى والغوى نفسي يلاعبها
أطلبك من جنة للعبد تعطيها
وأشفق لروحي من النار ولهايبها
سبحان من ثبت الأرض برواسيها
واستعمر الخلق كله في مناكبها
كل المخاليق مسلمها وطاغيها
واقتام بأرزاقها وأحصى مذاهبها
وأرسى بحور مشت معها سواعيها
تثبت ومن فوقها تمشي مراكبها
وليا حفظ رحمةٍ للأرض يسقيها
بين السماء والوطي نشا سحايبها
نبذل له الشكر وأذكاره نبديها
ونركع ونسجد رضاُ لرضاه ونطلبها
وصلاة ربي عدد ماهب ذاريها
على نبيٍ شروط الدين قام بها
شعر :/ الحميدي بن صنهات بن ناشي العازمي العتيبي